Ein Gwaith

Nod Menter Iaith Sir Ddinbych…

 Prif nodau hirdymor y Fenter yw:

• Normaleiddio’r defnydd o’r Gymraeg ym mhob agwedd o fywyd yn Sir Ddinbych

• Sicrhau fod cyfleoedd ac anogaeth ar gael i fewnfudwyr a thrigolion di-Gymraeg ddysgu’r iaith

• Sicrhau fod cyfleoedd i drigolion cynhenid ddatblygu eu gwybodaeth a defnydd o’r iaith

• Dylanwadu ar yr ystod eang o weithgarwch cymdeithasol, economaidd, diwylliannol, addysgiadol sy’n digwydd o fewn y sir er mwyn datblygu i fod yn drwyadl ddwyieithog neu Gymraeg  

Blas ar waith y fenter…

Hyrwyddo gwerth y Gymraeg i rieni

• Cynnal gweithgareddau i godi ymwybyddiaeth o’r cyfleoedd cymdeithasol a’r gefnogaeth sydd ar gael i rieni fagu eu plant yn Gymraeg neu’n ddwyieithog.

Gweithgareddau Cymraeg i blant a phobl ifanc

• Trefnu gweithgareddau i blant a phobl ifanc – gweithdai celf, clybiau chwaraeon, clybiau gwyliau, gweithdai Lego a Minecraft a gweithdai ukuleles – i roi cyfle i’r mynychwyr ddefnyddio’r Gymraeg mewn sefyllfa anffurfiol a hwyliog.

Gweithgareddau cymunedol

• Cynnal gweithgareddau cymdeithasol Cymraeg yn y gymuned

• Rhoi cyngor a chefnogaeth i grwpiau cymunedol / gwirfoddol am ddefnydd o’r Gymraeg, ymwybyddiaeth iaith, neu gefnogaeth i drefnu a hyrwyddo gweithgareddau

Cydweithio gyda phartneriaid er budd y Gymraeg yn Sir Ddinbych

• Cynnal cyfarfodydd Fforwm Iaith Sirol (Partner Iaith Sir Ddinbych) i annog cydweithio ac osgoi dyblygu wrth ddatblygu, cefnogi a hyrwyddo’r Gymraeg yn y sir