Calendr o Ddigwyddiadau Cymraeg a Dwyieithog

Braf yw nodi bydd y teithiau cerdded yn dychwelyd ym Mehefin ar ôl taith fendigedig yng Nglyndyfrdwy fis Ebrill. Y tro hwn byddwn yn crwydro Corwen o dan ofal yr arweinydd tywys profiadol Medwyn Williams ac yn arwain taith i gopa Pen y Pigyn. Bydd cyfle i weld golygfeydd godidog o'r dyffryn islaw a dysgu mwy am yr ardal. 

Bydd y daith yn cael ei chynnal ar ddydd Sadwrn 13eg o Fehefin ac mae croeso i bawb. Bydd y daith yn cychwyn am 10:30am gyda phaned a chyfle am sgwrs i ddilyn.  

Mi fydd rhaid gwisgo dillad cerdded ac esgidiau cerdded cadarn. 

Mae'n hanfodol eich bod yn cofrestru felly cysylltwch gyda erin@misirddinbych.cymru dros esbost i archebu lle ac mae nifer cyfyngedig ar gael!

Paned a Sgwrs Brenig, Llyn Brenig 

Cyfle i chi ymarfer  eich Cymraeg a chreu ffrindiau newydd // a wonderful opportunity to enhance you Welsh language skills and forge new friendships

Croeso cynnes i bawb / warm welcome to all

Dewch i gyfarfod a gwasanaethau sydd ar gael a dod i wybod yr hyn a gaiff ei gynnig yn y ganolfan. 

Bydd y diwrnod yn cychwyn o 1pm ymlaen gyda sesiwn chwarae i blant rhwng 1-2:30pm ac yna sesiwn i bobl ifanc a theuluoedd o 3pm i 6pm. 

Bydd lluniaeth ar gael hefyd a chroeso cynnes i bawb.

Dewch i'n Sadwrn Sgwrsio yng nghwmni Menter Iaith Sir Ddinbych

Mae pawb yn gyffro i gyd ar ddiwrnod cynta’r tymor yn Ysgol Gwaelod y Garn. Ond mae’r plant ar fin cael newyddion drwg... mae’r ysgol yn mynd i GAU!
 
Wrth i Alfred, Elen a’u ffrindiau geisio meddwl am ffordd o achub eu hysgol fach, mae athrawes newydd a braidd yn llym yr olwg yn cyrraedd: Miss Prydderch. Ond cyn hir, daw hi’n amlwg ei bod hi’n athrawes anghyffredin o arbennig. Os gall unrhyw un helpu’r plant i achub yr ysgol, Miss Prydderch yw’r un! 
 
Mewn sioe sy’n llawn dop o ddireidi, dychymyg a cherddoriaeth, cewch deithio gyda dosbarth Miss Prydderch ar antur fythgofiadwy lle mae’r ffrindiau’n trechu eu hofnau a darganfod pwysigrwydd codi eu lleisiau. 
 
Dyma sioe gerdd hudolus newydd sy’n dod ag anturiaethau a chymeriadau’r gyfres lyfrau annwyl i’r llwyfan, gyda sgript newydd sbon gan Mererid Hopwood, a cherddoriaeth fywiog gan Seiriol Davies.

Whwsh! Bant â ni!

Cynhyrchiad Theatr Cymru, Yr Egin a Chwmni Theatr Arad Goch gyda chefnogaeth gan Theatrau Sir Gâr.

Mae'r cynhyrchiad hwn wedi'i lwyfannu mewn partneriaeth â'r Egin, a oedd yn gyfrifol am yr ymchwil a'r datblygiad cychwynnol ar gyfer y cynhyrchiad gyda chymorth ariannol gan Gyngor Celfyddydau Cymru.